يا مجدْلَيَّا.. بْحِبِّك عْبادِه
رَغْم الضَّياع بْغُرْبِة الْمَجْهُولْ
يا أُم.. مَجْدِكْ طافِح زْيادِه
إِسْمِكْ عَلَمْ بِالْعاطْفِه مَغْزولْ
الْمِجْدلاوِي بْيِنْعَطَى شْهادِه
إِنْسانْ مُخْلِصْ بِالتّقَى مَجْبُولْ
بِالْمُغْتَرَبْ.. بِيشَرِّف بْلادِي
وْبِالْوَطَنْ: قِيمِه وْحَكي مَعْسُولْ
رَايِق.. عَظيمْ.. مْهَذَّب وْهادي
بِمْحَبّتُو رَسْمَل عْيال كْتيرْ
وْبِـ طَلّتُو عَمْ تِنْدِوخْ الِعْقُولْ
**
