سوزان

الى ابنة قريتي الاديبة سوزان بعيني

فرحانين كتير نحنا يا سوزان

بْهالطلّة الـ مسحتْ دمع هجران

لمّن ع سيدني.. نور وجِّك هَلّ

بعتم الهجر شعّت شمس نيسان

من مجدليّا.. محمّلينك فلّ

تا توزّعي الأزهار وين ما كان

رح ترجعي.. وبالقلب رح بتضلّ

ضحكه حنونه.. صوتها رنّان

رح ترجعي.. وأكبر خطيّه تفلّ

وتترك عينينا.. وردة البستان

يا بعينيّه.. الـ بِعين الكل

قونة وفا.. عم يحرسا الديّان

يا كلمة اللي حروفنا بتجلّ

يا بنت ضيعه مسوسحه الأكوان

منموت.. لكن صعب تا ننذلّ

جنود نحنا بخدمة الأوطان

وقفت دني.. وصارت علينا تدلّ

وتقول: هودي شرّفوا الانسان

هودي اللي صاحوا فوق أعلى تلّ:

كل نقطة دمّ بالشريان

بتفدي الأرزه اللي بجبل لبنان

**

سيدني في 17/5/2012